मदन भण्डारी राष्ट्रिय पुरस्कार रमेश रुछेन राईलाई

काठमाडौँ । मदन भण्डारी फाउन्डेसनले यस वर्षको ‘मदन भण्डारी राष्ट्रिय पुरस्कार–२०८२’ लेखक तथा अध्येता रमेश रुछेन राईलाई प्रदान गरेको छ।

लेखक राईद्वारा लिखित अनुसन्धानमूलक कृति ‘श्वेतशार्दूल (मदन भण्डारीको जीवन)’ का लागि उनलाई यस वर्षको प्रतिष्ठित पुरस्कारबाट पुरस्कृत गरिएको हो। आइतबार काठमाडौँमा आयोजित एक विशेष कार्यक्रमका बिच उनलाई उक्त पुरस्कार हस्तान्तरण गरियो।