लक्ष्यभन्दा २९ अर्ब कम राजस्व संकलन

देशको प्रमुख भन्सार नाका तथा आर्थिक लाइफ लाइनका रूपमा चिनिने वीरगञ्ज भन्सार कार्यालयले आर्थिक वर्ष २०८२/८३ मा लक्ष्यअनुसार राजस्व संकलन गर्न नसके पनि अघिल्लो आर्थिक वर्षको तुलनामा उल्लेख्य वृद्धि गरेको छ।

भन्सार विभागले आर्थिक वर्ष २०८२/८३ का लागि वीरगञ्ज भन्सार कार्यालयलाई दुई खर्ब ७३ अर्ब ३९ करोड ४८ लाख रुपैयाँ राजस्व संकलनको लक्ष्य दिएको थियो। कार्यालयले भने वर्षभरिमा दुई खर्ब ४३ अर्ब ८२ करोड रुपैयाँ मात्र राजस्व संकलन गरेको छ। यससँगै लक्ष्यको ८९.१९ प्रतिशत मात्र उपलब्धि हासिल भएको तथा लक्ष्यभन्दा २९ अर्ब ५७ करोड रुपैयाँ कम राजस्व उठेको जानकारी वीरगञ्ज भन्सार कार्यालयका प्रमुख भन्सार प्रशासक कृष्णप्रसाद मैनालीले दिए।