सागर ढकालले गरे महामन्त्रीमा उठ्ने घोषणा

काठमाडौँ । राष्ट्रिय स्वतन्त्र पार्टी (रास्वपा) को हालै सम्पन्न केन्द्रीय सदस्यको निर्वाचनमा चौथो लोकप्रिय मत ल्याएका सागर ढकालले महामन्त्रीमा उम्मेदवारी दिने घोषणा गरेका छन् । विजयी भए लगत्तै उनले पार्टीको आगामी नेतृत्वका लागि ‘महामन्त्री’ पदमा उम्मेदवारी दिने बताएका हुन् ।

ढकालले आफूलाई पहिलो चार जनाभित्र पारेर अत्यधिक मतका साथ विजयी गराएकोमा मतदाता र समर्थकहरूप्रति आभार प्रकट गरेका छन् ।