एफक्यान रोड रेसमा राजन र पूर्णलक्ष्मी विजेता

काठमाडौँ — त्रिभुवन आर्मी क्लबका राजन रोकायले शनिबार आयोजित एफक्यान रोड रेसको १० किलोमिटर दौड जितेका छन् ।

आर्मीकै सञ्जय श्रेष्ठ दोस्रो र एपीएफका तायाहाङ राई तेस्रो भए । पहिलोले २५ हजार, दोस्रोले १५ हजार र तेस्रोले १० हजार पुरस्कार पाए । महिला खुला १० किलोमिटरतर्फ आर्मीकै पूर्णलक्ष्मी न्यौपाने पहिलो भइन् । आर्मीका निशा सार्की र राज्यलक्ष्मी रावल दोस्रो र तेस्रो भए । पहिलो, दोस्रो र तेस्रो हुनेले क्रमशः २५, १५ र १० हजार रुपैयाँ पुरस्कार पाए ।