सेतीखोलामा माछा मार्न जाल हान्ने क्रममा एक जना बेपत्ता

तनहुँको म्याग्दे गाउँपालिका–४ सेतीखोलामा माछा मार्न जाल हान्ने क्रममा एक पुरुष बेपत्ता भएका छन्।

बेपत्ता हुनेमा भीमाद नगरपालिका–५ आँमडाँडा तुतुवाका ४४ वर्षीय टेकबहादुर सप्लाङ्गी रहेको जिल्ला प्रहरी कार्यालयका प्रहरी नायव उपरीक्षक श्रवणकुमार विकले जानकारी दिए। जाल हान्ने क्रममा चिप्लिएर उनी भूमरीमा परी बेपत्ता भएका थिए।