क्यापिटल म्याक्सको कब्जामा युनाइटेड मोदी हाइड्रोपावर

काठमाडौं । सेयर कारोबारमा अनेक ‘छलि’ गर्दै आएको क्यापिटल म्याक्स (ब्रोकर नं६२)ले कारोबारमा पनि युनाइटेड मोदी हाइड्रोपावरको सेयर मूल्य बढाउन चलखेल गरेको देखिएको छ । उसले आइतबार ४० प्रतिशतभन्दा बढी कारोबार आफूलगायतबाट मात्र गरेर युनाइटेड मोदी हाइड्रोपावर कम्पनीको सेयर मूल्य अघिल्लो कारोबारको दिनभन्दा २ दशमलव ६९ प्रतिशतले बढाएर प्रतिसेयर मूल्य ६ सय ४८ रुपैयाँ पु-याएको छ ।

सेयर लगानीकर्ताको भाषामा यस्तो चलखेललाई कमजोर सूचक र ‘लोक्याप’ भएका कम्पनीको सेयर मूल्य उचाल्ने ‘ट्रेन्ड’ भनिन्छ । कमजोर कम्पनीको सेयर मूल्य बढाउन केही व्यक्ति तथा ब्रोकर कम्पनीले गरेको यस्तो गलत क्रियाकलापले समग्र सेयर बजार नै बिगार्ने छ ।