नीट परीक्षा विवाद: विद्यार्थी आन्दोलनको समर्थन गर्दा अभिनेत्रीका श्रीमान् पक्राउ

नयाँ दिल्ली- भारतमा नीट–यूजी परीक्षामा भएको भनिएको प्रश्नपत्र चुहावट र अनियमितताको विरोधमा देशभर विद्यार्थी आन्दोलन चर्किँदै गएको छ। दिल्लीको जन्तर–मन्तरबाट सुरु भएको आन्दोलन मुम्बईसहित विभिन्न सहरमा फैलिएको छ।

मुम्बईको दादरस्थित चैत्यभूमिमा प्रदर्शन गरिरहेका विद्यार्थी र सामाजिक अभियन्तालाई प्रहरीले नियन्त्रणमा लिएपछि बलिउड अभिनेत्री स्वरा भास्कर उनीहरूको समर्थनमा उत्रिएकी छन्। पक्राउ परेका विद्यार्थी तथा आन्दोलनकारीलाई भेट्न उनी चेम्बुर र माहिम प्रहरी कार्यालय पुगेकी थिइन्।