निकास अभावले वीरगञ्जका पाँच वडा डुबानमा, सांसद सुशील साह कानुद्वारा स्थलगत निरीक्षण

वीरगञ्ज । वर्षात्को पानीको उचित निकास हुन नसक्दा वीरगञ्ज महानगरपालिकाका विभिन्न पाँच वडामा सयौं घर तथा करिब तीन सय बिघाभन्दा बढी खेतीयोग्य जमिन डुबानमा परेको छ। डुबानको समस्या बढ्दै गएपछि प्रतिनिधिसभा सदस्य सुशील साह कानुले आइतबार प्रभावित क्षेत्रको स्थलगत निरीक्षण गरेका छन्।

वीरगञ्ज महानगरपालिका–१७, २०, २४, २६ र २८ नम्बर वडामा वर्षायाम सुरु भएदेखि पानीको प्राकृतिक बहाव अवरुद्ध हुँदा खेतबारी जलमग्न भएका छन्। खेतमा पानी जमिरहेकाले धान रोपाइँ प्रभावित भएको छ भने डुबान विस्तारै बस्तीमा पुग्दा सयौं घर र गोठसमेत प्रभावित बनेका छन्।