महेन्द्र भवन माध्यमिक विद्यालयको पुनःविकास हुने

काठमाडौंको सानो गौचरनस्थित महेन्द्र भवन माध्यमिक विद्यालयको पुनःविकास गरिने भएको छ। विद्यालयलाई आधुनिक र नमुना शैक्षिक संस्थाका रूपमा सञ्चालन गर्न काठमाडौं महानगरपालिका र महेन्द्र भवन सार्वजनिक शैक्षिक गुठीबीच संयुक्त व्यवस्थापनको सम्झौता भएको हो।

सम्झौतापत्रमा काठमाडौं महानगरपालिकाका प्रमुख प्रशासकीय अधिकृत सरोज गुरागाईं र महेन्द्र भवन शैक्षिक गुठीका अध्यक्ष प्रा डा प्रमिला राईले हस्ताक्षर गरेका छन्। हस्ताक्षर कार्यक्रममा महानगरकी कार्यवाहक प्रमुख सुनिता डंगोल र वडा नं ५ का अध्यक्ष वीरेन्द्र प्रजापति उपस्थित थिए।