सिंगो राजनीतिमा जनताको विश्वास टुटेको छ : प्राध्यापक खनाल

काठमाडौं । प्राध्यापक कृष्ण खनालले सिंगो राजनीतिमा जनताको विश्वास टुटेको बताएका छन् । बीपी स्मृति दिवसका अवसरमा बिहीबार काठमाडौंमा आयोजित कार्यक्रमलाई सम्बोधन गर्दै उनले चुनावी परिणामले सो कुरा पुष्टि भएको बताए ।

जनता जोड्ने कुरामा नेपाली कांग्रेस पछाडि परेको उनको भनाइ छ । उनले भने, “चुनावको परिणामले पनि यो संकेत गर्छ । बीपीले लामो समय आस्थाको राजनीति गरे पनि अहिले अभ्यासको राजनीति भइरहेको छ । किन कांग्रेस पछाडि पर्‍यो ? आस्थाको संकट भयो यो देशमा ।”