बल्ड्याङगडीको पछिल्लो ६ घण्टामा सबैभन्दा धेरै ६० मिलिमिटर वर्षा

पछिल्लो ६ घण्टामा पाल्पाको बल्ड्याङगडीमा सबैभन्दा धेरै ६० मिलिमिटर वर्षा भएको छ।

जल तथा मौसम विज्ञान विभागका अनुसार हाल कोशी र गण्डकी प्रदेशका केही स्थान तथा बागमती, लुम्बिनी, मधेस र कर्णाली प्रदेशका थोरै स्थानमा वर्षा भइरहेको छ। सुदूरपश्चिम प्रदेशका एक–दुई स्थानमा पनि मध्यम वर्षा भइरहेको विभागले जनाएको छ।