वर्षाको गतिविधि बढ्ने भन्दै उच्च सतर्कता अपनाउन धनकुटा प्रशासनको आग्रह

८ असोज, धनकुटा । यही असोज ९ देखि ११ गतेसम्म देशका धेरै स्थानमा भारीदेखि अति भारी वर्षा हुन सक्ने मौसम पूर्वानुमानपछि जिल्ला प्रशासन कार्यालय धनकुटाले उच्च सतर्कता अपनाउन आग्रह गरेको छ ।

जिल्ला प्रशासन कार्यालय धनकुटाले बुधबार सूचना जारी गर्दै भारी वर्षाका कारण बाढी, पहिरो, कटान, गेग्रान तथा बहाव आउने सम्भावना रहेकाले नदी तथा नदी तटीय क्षेत्रमा विशेष सावधानी अपनाउन आग्रह गरेको हो ।