अनअधिकृत संरचना भत्काउन रास्वपाको भारत सरकारसँग माग

रवि लामिछाने नेतृत्वको राष्ट्रिय स्वतन्त्र पार्टी (रास्वपा) ले नदीको बहाव परिवर्तन हुनेगरी महाकाली नदीमा निर्माण भएको पक्की संरचना तत्काल भत्काउन माग गरेको छ । सो दलले सोमबार विज्ञप्ति जारी गर्दै सो माग गरेको हो ।

महाकालीको बहाव नेपालतर्फ धकेलेर भारतले अनधिकृत पक्की संरचना बनाएकोप्रति हाम्रो गम्भीर ध्यानाकर्षण भएको छ भन्दै सो दलले विज्ञप्तिमा लेखेको छ, “अन्तर्राष्ट्रिय सन्धी सम्झौता, भारतसँगको हाम्रो दुई पक्षीय सन्धी सम्झौताहरु बिपरित कार्य भइरहँदा पनि सरकार मुकदर्शक बनेर रमिता मात्रै हेरिरहनु हदैसम्मको गैर जिम्मेवार कार्य हो ।”