मनसुनमा हैजा प्रकोपको डर !

पछिल्लो समयमा खानेपानीको अभाव हुँदै गएको छ । बर्खायाममा झन् खानेपानीको अभाव हुने गर्छ । खानेपानीको अभाव हुँदा जहाँको पानी पनि उपयोग गरिएको देखिन्छ । राजधानी सहर काठमाडौंमा त झन् खानेपानीको अभाव अत्यन्तै छ । कुरा गरेर साध्य छैन पनि ।

बर्खाको समय र खानेपानी अभाव भएका बेलामा हैजाका संकेत देखिनु अस्वाभाविक होइन, तथापि काठमाडौं सहरमा यो संक्रामक रोगको लक्षण देखिनु राम्रो संकेत होइन । भर्खरै मात्र स्वास्थ्य तथा जनसंख्या मन्त्रालयले काठमाडौं उपत्यकामा २० जनामा हैजा पुष्टि भएको जनाएको छ । मंगलबार मात्र मन्त्रालयले साउनयता काठमाडौं, ललितपुर र कैलालीका २० जनामा हैजा पुष्टि भएको जनाइसकेको छ ।