ट्रम्पले गरे सीलाई भव्य स्वागत: : सन् १९६२ पछि ‘ज्वाइन्ट बेस एन्ड्र्युज’मै स्वागत पाउने सी एक्ला विदेशी राष्ट्रप्रमुख

वासिङ्टन डीसी । अमेरिकी राष्ट्रपति डोनाल्ड ट्रम्पले चिनियाँ राष्ट्रपति सी चिनफिङलाई वासिङ्टनमा तीनदिने भ्रमणका क्रममा अभूतपूर्व औपचारिक सम्मानसहित स्वागत गरेका छन् । दुवै देशबिच व्यापार युद्ध जारी रहेका बेला भएको सीको भ्रमणलाई अमेरिका–चीन सम्बन्धका दृष्टिले महत्त्वपूर्ण मानिएको छ ।

ज्वाइन्ट बेस एन्ड्र्युजमा सी र उनकी पत्नी पेङ लियुआनलाई ट्रम्प र प्रथम महिला मेलानिया ट्रम्पले रातो कार्पेटमा स्वागत गरे । स्वागत समारोहमा २१ तोपको सलामी, अमेरिकी वायुसेनाको ब्याण्ड, अमेरिका र चीनका राष्ट्रिय झन्डा तथा दुवै देशका सैनिक प्रतिनिधि सहभागी थिए । दुई बी–१ बमवर्षक विमानले पनि आकाशबाट उडान भरेका थिए ।