‘भारी वर्षा’पछि निम्तिने असरबाट सचेत हुँदै सरकार, ७७ जिल्लाकै सीडीओसँग छलफल

काठमाडौँ- मनसुन सकिने बेलामा भारी वर्षा हुने पूर्वानुमान मौसम विभागले गरेसँगै बर्षाले निम्त्याउने जोखिमका बारेमा सरकारले तयारी थालेको छ। पूर्वतयारीका सन्दर्भमा गृह मन्त्रालयले बुधबार ७७ वटै जिल्लाका प्रमुख जिल्ला अधिकारीहरुसँग छलफल सम्पन्न भएको छ।

गृह सचिव केदारनाथ शर्माको आतिथ्यतामा भएको छलफलमा वर्षाको सम्भावित अवस्था, जोखिमयुक्त जिल्लाहरुमा अपनाउनु पर्ने सतर्कता, सर्वसाधारणमा पुर्याउनु पर्ने सूचना, सवारी आवागमन बन्दलगायतका विषयमा छलफल भएको हो।