‘कम्युनिस्ट आन्दोलनलाई पुनर्जीवित गर्न आत्मसमीक्षा र सहकार्य आवश्यक’

नेपाल कम्युनिस्ट आन्दोलनका संस्थापक पुष्पलाल श्रेष्ठको ४८ औं स्मृति दिवसका अवसरमा आयोजित कार्यक्रममा सहभागी वक्ताहरूले कम्युनिस्ट आन्दोलनलाई पुनः सुदृढ बनाउन आत्मसमीक्षा, वैचारिक स्पष्टता, सहकार्य र आवश्यकताअनुसार एकताको दिशामा अघि बढ्नुपर्ने बताएका छन् ।

बिहीबार बुटवलमा आयोजित ‘पुष्पलालको राजनीतिक विचार र नेपाली वाम राजनीतिको भावी कार्यदिशा’ विषयक बहस कार्यक्रममा नेकपा (एमाले)का केन्द्रीय सचिव छविलाल विश्वकर्माले पुष्पलाल विभाजनका होइन, कम्युनिस्ट एकताका सूत्रधार भएको उल्लेख गर्दै वर्तमान कम्युनिस्ट पार्टीहरूले आफ्ना कमजोरीको गम्भीर समीक्षा गर्नुपर्ने बताए ।