आलोचनामा होइन, बीपीको विचार र युवाको आकांक्षालाई जोडेर अघि बढ्नुपर्छ : विश्वप्रकाश शर्मा

नेपाली कांग्रेसका उपसभापति विश्वप्रकाश शर्माले पार्टीभित्रको आलोचनामा अल्झिनुभन्दा बीपी कोइरालाको विचार, संस्कार र आदर्शलाई २१औँ शताब्दीका युवाको आकांक्षासँग जोड्दै समुन्नत नेपालको यात्रामा अघि बढ्नुपर्ने बताएका छन्।

बिहीबार काठमाडौंस्थित राष्ट्रिय सभागृहमा आयोजित नेपाली कांग्रेसको ‘जरा अभियान’ समापन तथा नयाँ अभियान घोषणा कार्यक्रममा बोल्दै उनले पार्टीभित्र हुने आलोचनालाई लिएर प्रतिक्रिया दिँदै त्यसैमा केन्द्रित हुँदा लक्ष्यमा पुग्न नसकिने बताए।