नदी किनारमा सिनोको दुर्गन्ध, हजारौँ अझै बेपत्ता

काठमाडौँ ।

भदौ १० गतेको भोटेकोशी बाढीले त्रिशूलीको बहावसँगै बगाएर लगेको मानवीय पीडा अझै किनारमै थुप्रिएको छ । बाढी गएको एक महिना पुग्न लाग्दा त्रिशूली नदीको दायाँ–बायाँ क्षेत्रमा दुर्गन्ध फैलिन थालेको छ । नदी किनारमा मानवीय तथा पशु अवशेष भेटिन थालेका छन् । चील, गिद्ध, स्याल र कुकुरले बालुवा उधिनेर सिनो खोजिरहेका दृश्यले बाढीपीडितलाई फेरि अर्को त्रासमा धकेलेको छ ।