रौतहटमा पछिल्लो ६ घण्टामा भारी वर्षा, थप वर्षाको सम्भावना

काठमाडौँ । पछिल्लो ६ घण्टामा रौतहट जिल्लाको चन्द्रपुर मापन केन्द्रमा लगातार भारी वर्षा भएको छ । जल तथा मौसम विज्ञान विभागका अनुसार अझै केही घण्टा वर्षा जारी रहने सम्भावना रहेको छ।

विभागले बिहीबार एक सूचना जारी गर्दै वर्षाका कारण सो क्षेत्र भएर बहने स-साना खोलाहरूमा आकस्मिक बहाव बढ्न सक्ने जोखिम देखिएकोले आवश्यक सतर्कता अपनाउन आग्रह गरेको छ।