एमाले केन्द्रीय कमिटी बैठक आज पनि बस्दै, त्यसअघि सचिवालय बैठक

। नेकपा (एमाले) केन्द्रीय कमिटीको बैठक बिहीबार पनि बस्दैछ। ललितपुरको भनिमण्डलस्थित रामबाग भवनमा दिउँसो १२ः३० बजे बैठक बस्ने एमालेले जनाएको छ। बैठकअघि बिहान १० बजे च्यासलस्थित पार्टी केन्द्रीय कार्यालयमा केन्द्रीय सचिवालयको बैठक बस्नेछ।

बुधबार बसेको केन्द्रीय कमिटी बैठकले अध्यक्ष केपी शर्मा ओलीले प्रस्तुत गरेको राजनीतिक प्रतिवेदन सर्वसम्मतिले पारित गरेको थियो। प्रतिवेदनमाथि केन्द्रीय सदस्यहरूले राखेका धारणा तथा सुझावबारे अध्यक्ष ओलीले स्पष्ट पारेपछि बैठकले प्रतिवेदन पारित गरेको हो।