लोकसेवा पदपूर्ति रोक्ने निर्णय फिर्ता लिन अनेरास्ववियू (क्रान्तिकारी) को माग, आन्दोलनको चेतावनी

काठमाडौँ । नेपाली कम्युनिस्ट पार्टी (नेकपा) निकट विद्यार्थी सङ्गठन अखिल नेपाल राष्ट्रिय स्वतन्त्र विद्यार्थी यूनियन (क्रान्तिकारी) ले सरकारले लोकसेवा आयोगमार्फत हुने स्थायी पदपूर्ति प्रक्रिया रोक्ने निर्णय गरेको भन्दै त्यसको कडा विरोध गरेको छ।

सङ्गठनका उपाध्यक्ष डीबी बुढाथोकी र महासचिव उषाकिरण आजाद कामीद्वारा बिहीबार जारी प्रेस वक्तव्यमा सरकारले मुख्यसचिवस्तरीय बैठकबाट चालु आर्थिक वर्षमा प्रधानमन्त्री तथा मन्त्रिपरिषद्को कार्यालयको स्वीकृतिबिना कुनै पनि सरकारी निकायले स्थायी पदपूर्तिका लागि लोकसेवा आयोगमा माग नपठाउने निर्णय गरेको भन्दै त्यसलाई युवा तथा विद्यार्थी विरोधी कदमको संज्ञा दिइएको छ।