स्वास्थ्यकर्मीमाथि कुटपिटमा कैद र जरिबाना दुवै हुने

काठमाडौं ।

स्वास्थ्यकर्मी तथा स्वास्थ्य संस्थामाथि हुने कसुरमा दोषी ठहर हुनेलाई कैद र जरिबाना दुवै हुने गरी सरकारले दण्डात्मक व्यवस्था कडा बनाउन प्रस्ताव गरेको छ । स्वास्थ्यकर्मी तथा स्वास्थ्य संस्थाको सुरक्षासम्बन्धी ऐन संशोधन गर्न सरकारले प्रतिनिधि सभामा दर्ता गरेको विधेयकमा यसअघिको ‘कैद वा जरिबाना’को व्यवस्थालाई हटाएर कैद र जरिबाना दुवै अनिवार्य हुने प्रस्ताव गरिएको हो ।