सतर्कताको अपिलः देशैभर हेलिकोप्टर र हेभी उपकरण स्ट्ण्याण्डबाइ

काठमाडौं । जल तथा मौसम विज्ञान विभाग मौसम पूर्वानुमान महाशाखाले असोज ९ गतेदेखि ११ गतेसम्म भारी वर्षाको प्रक्षेपण गरेपछि सरकारले सुरक्षित रहन अपिल गरेको छ । भारी वर्षाको पूर्वानुमानपछि जिल्ला जिल्लामा पूर्व सूचनाहरु जारी गरिएका छन् । पर्यटन विभागले पर्यटकीय गन्तव्यमा सचेतना रहन भन्दै एडभाइजरी जारी गरेको छ ।

असोज ९ गते शुक्रबारदेखि ११ गत आइतबारसम्म तीन दिन भारी वर्षा र हिमपातको जोखिम रहेको भन्दै मौसम पूर्वानुमान महाशाखाले सचेत रहन आग्रह गरेको छ । महाशाखाले पदयात्राका लागि हिमाली क्षेत्र पुगेकाहरुलाई पनि तत्काल फर्केर सुरक्षित स्थानमा रहन तथा जाने तयारीमा रहेकालाई यात्रा स्थगित गर्न आग्रह गरेको छ । विभागले सर्वसाधारण र सरोकारवालाका लागि सम्भावित मौसमी विपत्तिबारे विशेष बुलेटिन जारी गरि लामो दूरीको कुनै पनि यात्रा नगर्न आग्रह गरेको छ ।