‘गगनजीसँग बस्ने एकथरी मान्छेहरू कांग्रेस फुट्नैपर्छ भन्नेमा छन्‌’

काठमाडौँ । नेपाली कांग्रेस विभाजनको संघारमा पुगेको चर्चाले अहिले राष्ट्रिय राजनीति नै तरंगित बनिरहेको छ । पछिल्लो समय कांग्रेसका नेताहरूबिच आरोप-प्रत्यारोपको शृंखला निकै बढेको छ । गत पुस-माघमा सम्पन्न विशेष महाधिवेशनपछि कांग्रेसभित्र सभापति गगन थापा र पूर्व सभापति शेरबहादुर देउवा पक्षका नेताहरूबिचको दूरी निकै बढेको छ ।

लामो समयदेखि नेपाली राजनीति र कांग्रेसलाई नजिकबाट नियालेका वरिष्ठ पत्रकार तथा राजनीतिक विश्लेषक पुरुषोत्तम दाहाल अहिलेको विवादलाई पद, स्वार्थ र मर्यादाको लडाइँ मान्छन् । रातोपाटीको ‘वारपार’ मा अन्तर्वार्ताका क्रममा उनले नेपालका नेताहरूले आफ्नै खुट्टामा उभिन खोज्दा विदेशी शक्तिबाट कसरी प्रहार खेप्नुपरेको छ भन्ने ऐतिहासिक दृष्टान्त समेत पेस गरेका छन् ।