ठमेलमा पर्यटक र सर्वसाधारणलाई दुःख दिने तथा प्रहरीसँग अभद्र व्यवहार गर्ने २३ जना पक्राउ

काठमाडौंको ठमेल क्षेत्रमा विदेशी तथा स्वदेशी पर्यटक तथा सर्वसाधारणलाई अनावश्यक रूपमा दुःख हैरानी दिएको आरोपमा २३ जनालाई प्रहरीले नियन्त्रणमा लिएको छ।

जिल्ला प्रहरी परिसर काठमाडौंका अनुसार बिहीबार काठमाडौं महानगरपालिका–२६ स्थित ठमेल फायरचोक क्षेत्रमा बाटो हिँडिरहेका विदेशी तथा स्वदेशी पर्यटक तथा अन्य सर्वसाधारण पुरुषहरूको बाटो छेकी अश्लील क्रियाकलापसम्बन्धी मोलमोलाइ गर्दै हैरानी दिने कार्य भइरहेको भन्ने सूचनाका आधारमा प्रहरी वृत्त लैनचौरबाट खटिएको टोलीले उनीहरूलाई नियन्त्रणमा लिएको हो।