टर्की-सिरियामा भूकम्प : हजारौंको मृत्यु

काठमाडौं । टर्की र सिरियाको सीमानजिकै गएको शक्तिशाली भूकम्पमा दुई हजारभन्दा बढी नागरिकको मृत्यु भएको छ । सोमबार बिहानको विनाशकारी भूकम्पका कारण टर्की र सिरियामा भवनहरू भत्किएका र हजारौं नागरिकले ज्यान गुमाएको विवरण अन्तर्राष्ट्रिय सञ्चार माध्यमहरूले दिएका छन् ।

सीएनएन टेलिभिजनका अनुसार सोमबार साँझसम्म मृतकको संख्या एक हजार सात सय पुगिसकेको छ ।