एसईई परीक्षा र स्थानीय तह

यस साता १० कक्षाको अन्तिम परीक्षा (एसईई) राष्ट्रिय रूपमा सञ्चालन भइरहेका समाचार जोडतोडका साथ आइरहेका छन् । साबिकमा शिक्षाको माध्यमिक तह १० कक्षासम्मलाई मानिन्थ्यो । यसैकारण सो तहको अन्त्यमा प्रवेशिका परीक्षा लिने गरिन्थ्यो र यस परीक्षालाई एसएलसी नामकरण गरिएको थियो । प्रचलित शिक्षा ऐन तथा नियमावलीले १० कक्षालाई विद्यालयको तह नमानेर एउटा कक्षा नै मानेको छ । १२ कक्षासम्म माध्यमिक तह भनिएको छ । तसर्थ, विगतको एसएलसी अर्थात् माध्यमिक तह उत्तीर्ण परीक्षा १० कक्षाको नभएर १२ कक्षाको हो । त्यसकारण विगतको एसएलसी हाल १२ कक्षाका लागि हुनुपर्ने हो । तर, शिक्षाको संरचना बदलिएर १ देखि १२ कक्षासम्म माध्यमिक तह भइसक्दा पनि १० कक्षामा भने उही शैली र उही तामझामका साथ परीक्षा लिने गरिएको छ । फरक यति मात्र हो, हिजो माध्यमिक तह उत्तीर्ण परीक्षा (एसएलसी) भनिन्थ्यो, आज माध्यमिक शिक्षा परीक्षा (एसईई) भनिन्छ ।

ऐतिहासिकता