जेनजी आन्दोलनका सहिद परिवार र घाइतेलाई निःशुल्क शिक्षा

नेपाल सरकार, शिक्षा तथा खेलकुद मन्त्रालयले ‘जेनजी आन्दोलनका सहिद परिवार तथा घाइतेलाई निःशुल्क शिक्षा प्रदान गर्नेसम्बन्धी मापदण्ड, २०८३’ बमोजिम जेनजी आन्दोलनका सहिद परिवार तथा गम्भीर र अति गम्भीर घाइतेका परिवारका लागि कक्षा १ देखि स्नातक तहसम्मको शिक्षामा सहजीकरण गर्ने व्यवस्था गरेको छ।

यस व्यवस्थाअन्तर्गत सम्बन्धित लाभग्राहीका लागि निःशुल्क शिक्षा, पोसाक तथा पाठ्यसामग्री र सिकाइ सामग्रीका लागि सहयोग तथा स्नातक तहमा छात्रवृत्तिको व्यवस्था गरिएको छ।