परदेशबाट गुन्जिरहेको नेपाली स्वर

स्कूले जीवनमा अंग्रेजी गीत गाउँदै हिंडेका विपुल क्षेत्री कालिम्पोङबाट नयाँ दिल्ली पुगेपछि भने हिन्दी होइन, नेपालीतिर आकर्षित भए।

बाजे कवि, बोजू सितारवादक। बुबा गायक र संगीतकारसँगै गीतकार पनि। बाजे, बोजू र बुबाको सामीप्यमा हुर्कन पाएनन्। तैपनि गीत, संगीत र शब्द उनका लागि कहिल्यै नौलो भएन। त्यसैले त सानैदेखि गिटार समाएर हिंडे, गीत लेख्ने प्रयास गरिरहे र अनेक धुन र लय सुसेलिरहे।