वीर अस्पतालमा गुनासो सुन्ने अधिकारी मात्रै ११ जना

काठमाडौँ । वीर अस्पतालमा गुनासो सुन्ने अधिकारी मात्रै ११ जना तोकिएका छन् । चिकित्सा विज्ञान राष्ट्रिय प्रतिष्ठान (न्याम्स) अन्तर्गतको वीर अस्पतालले सेवाग्राहीका समस्या र सल्लाहलाई प्राथमिकताका साथ सम्बोधन गर्न 'गुनासो तथा उजुरी व्यवस्थापन तथा फर्छ्यौट समिति' गठन गरेको हो ।

"प्रत्येक आवाजको सम्मान, हरेक गुनासोको समाधान" भन्ने मूल नाराका साथ गठन गरिएको यस समितिको प्रमुख गुनासो सुन्ने अधिकारीका रूपमा डा. प्रकाश बुढाथोकी रहेका छन्। अस्पतालले आफ्ना सेवाहरूलाई थप पारदर्शी, प्रभावकारी र नागरिकमैत्री बनाउने उद्देश्यले यो संरचनात्मक पहल अघि बढाएको हो।