गैरकानुनी रूपमा आयुर्वेदिक औषधि उत्पादन र बिक्री गर्ने पाँच जना पक्राउ

काठमाडौं उपत्यकाका विभिन्न स्थानमा गैरकानुनी रूपमा आयुर्वेदिक औषधि उत्पादन तथा बिक्री–वितरण गरिरहेको आरोपमा प्रहरीले पाँच जनालाई पक्राउ गरेको छ।

काठमाडौं उपत्यका अपराध अनुसन्धान कार्यालयले विशेष सूचनाका आधारमा अनुसन्धान तथा खोजतलास गर्ने क्रममा साउन ६ गते काठमाडौं र ललितपुरका विभिन्न स्थानबाट पाँच जनालाई पक्राउ गरेको हो। पक्राउ परेकाहरूको साथबाट विभिन्न ब्रान्डका आयुर्वेदिक औषधि, तेल, क्याप्सुल, सिरम, स्याम्पु, हर्बल उत्पादन, अभिलेख तथा रसिदसमेत बरामद गरिएको प्रहरीले जनाएको छ।