साहारालाई हराउँदै नेपाल पुलिस क्लब सेमिफाइनल प्रवेश

कपिलवस्तु । साहारालाई पछि पार्दै नेपाल पुलिस क्लब तिलौराकोट गोल्ड कपको सेमिफाइनलमा प्रवेश गरेको छ । कपिलवस्तुको चार नम्बर बुद्ध रंगशालामा सोमबार सम्पन्न दोस्रो क्वार्टरफाइनल खेलमा साहारा क्लब लाई १–० गोल अन्तरले पराजित गर्दै नेपाल पुलिस क्लव सेमिफाइनल प्रवेश गरेको हो ।

खेलको पहिलो हाफ गोलरहित बराबरी सकिएको थियो। दोस्रो हाफ शुरू भएको तीन मिनेटपछि पुलिसका लागि शिशिर चौधरीले गोल गर्दै पुलिसलाई अग्रता दिलाए। ५७औँ मिनेटमा साहाराले खेलमा फर्किने मौका पाएको थियो। तर, सुशिल लामाले प्राप्त पेनाल्टीमा गोल गर्न सकेनन्।