लगातारको वर्षाले मुख्य राजमार्ग प्रभावित, विभिन्न सडकखण्डमा आवतजावत अवरुद्ध (सूचीसहित)

काठमाडौं– अविरल वर्षाका कारण देशका विभिन्न स्थानमा बाढी तथा पहिरोको जोखिम बढेसँगै मुख्य राजमार्ग तथा सडकखण्डहरू प्रभावित भएका छन्। नेपाल प्रहरीले बिहीबार बिहान ८ः३० बजेसम्मको विवरण सार्वजनिक गर्दै कोशी, बागमती र लुम्बिनी प्रदेशका विभिन्न सडकमा पूर्ण तथा आंशिक रूपमा आवागमन प्रभावित भएको जनाएको छ।

कोशी प्रदेशअन्तर्गत सोलुखुम्बुको सिद्धिचरण लोकमार्गलगायत भित्री सडकमा असोज १२ गतेसम्म भारी वर्षाको पूर्वानुमान रहेकाले जोखिमलाई ध्यानमा राख्दै साँझ ६ बजेदेखि बिहान ६ बजेसम्म अत्यावश्यकबाहेकका सवारी साधन तथा पैदल यात्रुलाई आवतजावतमा रोक लगाइएको छ।