मौसम : कहिलेसम्म हुन्छ विद्यालय बन्द?

काठमाडौँ- शिक्षा तथा खेलकुद मन्त्रालयले देशका विभिन्न स्थानमा भारी वर्षा, हिमपात, हावाहुरी तथा चट्याङको सम्भावना रहेकाले विद्यालय बिदा गर्न र विश्वविद्यालय तहका परीक्षा आवश्यकतानुसार स्थगित गर्न आग्रह गरेको छ।

मन्त्रालयले बुधबार शिक्षा विकास तथा समन्वय एकाइलाई परिपत्र जारी गर्दै असोज ९, १० र ११ गतेसम्म जल तथा मौसम विज्ञान विभाग, राष्ट्रिय विपद् जोखिम न्यूनीकरण तथा व्यवस्थापन प्राधिकरण र सम्बन्धित निकायबाट अत्यधिक वर्षाको पूर्वानुमान रहेकाले आवश्यक समन्वय र सहजीकरण गर्न निर्देशन दिएको हो।