चार सय उद्यमी सहभागी हुने एआई र युवा उद्यमशीलता सम्मेलन हुँदै

काठमाडौं । बैंक तथा वित्तीय संस्था परिसंघ नेपाल (सीबीफीन) र नेपाल बिजनेस इन्स्टिच्युट (एनबीआई) को सहकार्यमा ‘नेपाल युवा उद्यमशीलता सम्मेलन २०८३’ आयोजना हुने भएको छ । ‘नेक्स्टजेन नेपाल : एआई, उद्यमशीलता र भविष्यको रोजगारी’ नारासहित सम्मेलन असोज २३ गते काठमाडौंमा आयोजना गर्न लागिएको हो ।

सम्मेलनमा तीनै तहका सरकार, निजी क्षेत्र, विकास साझेदार संस्था तथा विभिन्न कूटनीतिक नियोगका उच्चपदस्थ अधिकारीसहित देशभरबाट करिब ४ सय उद्यमी व्यवसायी तथा सरोकारवालाको सहभागिता रहने आयोजकले जनाएको छ । सम्मेलन आयोजना गर्नेसम्बन्धी समझदारीपत्रमा सीबीफीन र एनबीआईबीच असोज ५ गते हस्ताक्षर भएको थियो ।