राजनीतिमा सहभागी शिक्षकमाथि निगरानी

सामुदायिक विद्यालयका शिक्षक राजनीतिक दलका कार्यक्रममा सहभागी भएको विषय सार्वजनिक हुन थालेपछि शिक्षा तथा खेलकुद मन्त्रालयले देशभर निगरानी र कारबाही प्रक्रिया अघि बढाएको छ।

मन्त्रालयले ७७ वटै शिक्षा विकास तथा समन्वय एकाइलाई पत्राचार गर्दै राजनीतिक दलका कार्यक्रममा सहभागी हुने शिक्षकको गतिविधिमाथि थप निगरानी गर्न र कानुनविपरीत देखिए कारबाही अघि बढाउन निर्देशन दिएको हो।