रोपाईं महोत्सवः हिलोमा रमाए स्वदेशी र विदेशी पर्यटक

पोखराका पर्यटन व्यावसायीको छाता संस्था पोखरा पर्यटन परिषद् (पिटिसी)ले हरेक वर्ष असार १५ मा रोपाईं महोत्सव आयोजना गर्छ। पोखरामा आन्तरिक र बाह्य पर्यटकको आकर्षण बढाउनका लागि हरेक असार १५ मा गरिने रोपाईं महोत्सव यो पटक भने नियमित भन्दा एकदिन अगावै आइतबार आयोजना गरियो।

असार १५ मा पूर्णिमा परेको भन्दै एकदिन अगावै परिषद्ले महोत्सव आयोजना गरेर स्वदेशी र विदेशी पाहुनालाई हिलोमा खेल्ने मौका दिलायो। परिषद् अध्यक्ष तारानाथ पहारीले पोखरामा आन्तरिक र बाह्य पर्यटक आकर्षण गर्नका लागि महोत्सव आयोजना गरेको बताए।