क्रिकेटर प्रसिद्ध जैसीको सपनाको उडान: चार भित्ताको एकान्तदेखि राष्ट्रिय जर्सीको गौरवसम्म

काठमाडौं।

हरेक मानिसको छातीभित्र सफलताको एउटा सानो दियो बलिरहेको हुन्छ, तर त्यसलाई आकांक्षाको आँधीमा पनि निभ्न नदिई महान् प्रकाशमा बदल्ने साहसीहरू विरलै हुन्छन् । काँढाघारीजस्तै कठिन बाटोमा टेकेर सफलताको शिखर चुम्नु कुनै सहज यात्रा होइन । यसका पछाडि आर्थिक अभाव, भौगोलिक विकटता र सामाजिक चुनौतीका ठूला–ठूला पर्खालहरू उभिएका हुन्छन् । तर, जब मनभित्रैबाट एउटा अदम्य भोक र इमानदार प्रतिबद्धता पलाउँछ, तब परिस्थिति जतिसुकै प्रतिकूल भए पनि अड्चनहरू आफैँ पछाडि हट्न बाध्य हुन्छन् । प्रसिद्ध जैसीको यात्राको सुरुवात पनि कुनै सुविधा सम्पन्न भव्य रंगशालाबाट भएको थिएन । कोभिड–१९ को त्रासले भरिपूर्ण महाव्याधिका कारण पूरा संसार सुनसान र बन्द रहेको बेला चार भित्ताभित्रको एकान्तबाट भएको थियो ।