जातीय विभेदविरुद्ध न्याय खोज्दा दलित समुदाय नै बहिष्कारमा

सात महिनाअघि गाउँमा भएको पुराण पूजामा जातीय विभेद गरिएको भन्दै दलित महिलाले मुद्दा हालेपछि मोरङको जिरीखिम्तीका २५ दलित परिवारलाई सामूहिक कार्यमा निषेध

जातीय विभेदविरुद्ध अदालत गएपछि मोरङको पथरी–शनिश्चरे नगरपालिका– १० जिरीखिम्तीका दलित समुदाय नै बहिष्कारमा परेका छन् । सात महिनाअघि गाउँमा भएको पुराण पूजामा दलित महिलामाथि गरिएको विभेद प्रहरी हुँदै अदालत पुगेपछि यहाँका सिंगो गैरदलित समुदायले उनीहरूलाई सामूहिक कार्यमा निषेध गरेका हुन् ।