आईजीपी रनिङ ट्रफी सुरु

काभ्रे — २८ औं अन्तरस्कुल आईजीपी रनिङ ट्रफी फुटबल प्रतियोगिता बुधबार सुरु भएको छ । नेपाल प्रहरी विद्यालयको आयोजनामा सुरु प्रतियोगिताको प्रहरी अतिरिक्त महानिरीक्षक सहकुल थापाले उद्घाटन गरे ।

प्रतियोगितामा १५ विद्यालयका १६ टिम सहभागी छन् । विजेताले ५० हजार, दोस्रोले ४० हजार र तेस्रो हुनेले ३० हजार रुपैयाँ पुरस्कार पाउनेछन् । म्यान अफ द म्याच, हाइस्कोरर, प्लेयर अफ द टुर्नामेन्टलाई पनि पुरस्कृत गरिनेछ ।