जन–स्वास्थ्य

स्वास्थ्य सेवा सम्भ्रान्तका लागि सुलभ छ तर आम जनताका लागि यो आज पनि चुनौतीको विषय बनेको छ । जन–स्वास्थ्य सन्तोषजनक छैन । स्वास्थ्य मन्त्रालयले दिने स्वास्थ्य सेवाका विषयमा प्रत्यक्ष रुपमा सजिलैसँग जनताले सेवा लिनसक्ने वातावरण बनेको छैन । स्वास्थ्य सेवा जनताको पहुँचमा हुनुपर्छ भन्ने संवैधानिक व्यवस्थालाई सरकारले सम्बोधन गर्ने प्रयास गरेको त देखिन्छ तर त्यसले पूर्णता पाएको देखिन्न ।

कतिपय अस्पताल तथा स्वास्थ्य संस्थाहरुमा दक्ष जनशक्ति, विशेषज्ञ चिकित्सक लगायतका स्वास्थ्यकर्मीहरुको अभाव देखिएकोछ । विशेषगरी प्रदेशहरुमा स्वास्थ्य नीति नै नबनेको अवस्था छ । प्रदेशभित्र स्वास्थ्य अनुसन्धान परिषद् गठन गर्ने तयारी पनि देखिन्छ ।