कांग्रेसको किचलोले सरकारले पूर्णता पाएन

काठमाडौं । सत्ता गठबन्धनको महत्वपूर्ण दल नेपाली कांग्रेसको आन्तरिक किचलोका कारण मन्त्रिपरिषद्ले उपनिर्वाचनअघि पूर्णता नपाउने सम्भावना बढेको छ ।

सत्ताको नेतृत्व गरिरहेको दल नेपाल कम्युनिस्ट पार्टी (माओवादी केन्द्र)का सचिव देवेन्द्र पौडेलले उपनिर्वाचनअघि मन्त्रीपरिषद्ले पूर्णता पाउने सम्भावना निकै कम रहेको बताउँदै नेपाल समाचारपत्रसँग भन्नुभयो– ‘कांग्रेसभित्रको आन्तरिक झगडाले मन्त्रीको नाम नपठाएका कारण मन्त्रीमण्डलले पूर्णता पाएको छैन । अब आगामी वैशाख १० गतेको उपचुनावपछि मात्रै मन्त्रिपरिषद्को पूर्णता पाउने देखिएको छ ।’