प्रस्तावित तीन राजदूतको नाम संसदीय समितिबाट अनुमोदन
abhiyandaily.com
काठमाडौं । संसदीय सुनुवाइ समितिले भारत, अमेरिका र बेलायतका लागि प्रस्तावित नेपाली राजदूतको नाम अनुमोदन गरेको छ । सोमबार बसेको समितिको बैठकले तीन देशका प्रस्तावित राजदूत क्रमशः शंकर शर्मा, श्रीधर खत्री र ज्ञानचन्द्र आचार्यको नाम सर्वसम्मत अनुमोदन गरेको होे । समितिका सभापति लक्ष्मणलाल कर्णका अनुसार सोमवार प्रस्तावित राजदूतलाई समितिको बैठकमा डाकेर सुनुवाइ गरिएको थियो । सुनुवाइका क्रममा भारतका लागि प्रस्तावित राजदूत डा. शर्माले नेपाल र भारतबीच विश्वासको सम्बन्ध बनाउनुपर्ने बताए । आपसमा आर्थिक, सामाजिक र राजनीतिक क्षेत्रमा सुधारका लागि दुई देशबीच विश्वासको वातावरण बनाउनुपर्नेमा उनको जोड थियो ।
संसदीय सुनुवाइ समितिमा सांसदहरूले सोधेको प्रश्नको जवाफ दिँदै उनले भने, ‘दुई देशको आर्थिक, सामाजिक र राजनीतिक क्षेत्रमा सुधार गर्ने विषयमा एउटा विश्वासकै आवश्यकता छ । सबभन्दा ठूलो विश्वास हो । विश्वासलाई विकास गर्न सके धेरै कामहरू सजिलैसँग अगाडि जानसक्छ ।’
स्रोतमा पूरा पढ्नुहोस् (abhiyandaily.com)