मालीका पूर्व गुप्तचर प्रमुखलाई १५ वर्ष कैद

काठमाडौँ । मालीको अदालतले शुक्रबार मालीको पूर्व गुप्तचर प्रमुखलाई ‘सरकारविरुद्ध षड्यन्त्र’ गरेको आरोपमा १५ वर्षको कैद सजाय सुनाएको छ । उनले १० दिनसम्म चलेको मुद्दाको सुनुवाइका क्रममा सत्तारूढ जुन्ता नेतृत्वमाथि भ्रष्टाचारलाई प्रोत्साहन गरेको आरोप लगाएका थिए ।

देशका पूर्व गुप्तचर प्रमुख कर्नेल कासुम गोइताविरूद्ध राज्यका सङ्घसंस्थाहरूलाई अस्थिर बनाउने र सत्तापलटको प्रयास गरेको आरोपमा मुद्दा चलाइएको थियो ।