सम्पत्ति शुद्धीकरण विभागले गर्‍यो करिब एक खर्ब १८ अर्ब बिगो दाबी

काठमाडौँ । सम्पत्ति शुद्धीकरण विभागले आर्थिक वर्ष २०८२/८३ मा कुल सातवटा मुद्दा अभियोजन गरेको छ।

विभागले बिहीबार सार्वजनिक गरेको विवरणअनुसार यस अवधिमा १२१ जनालाई प्रतिवादी बनाइएको छ भने उनीहरूबाट करिब रु एक खर्ब १८ अर्ब पाँच करोड बराबरको बिगो दाबी गरिएको छ। विभागमा दर्ता भएका सम्पत्ति शुद्धीकरण तथा आतङ्कवादी क्रियाकलापमा वित्तीय लगानीसम्बन्धी सूचनाहरूलाई स्क्रिनिङ कमिटीमा छलफल गरी प्रारम्भिक अनुसन्धान आवश्यक देखिएमा अनुसन्धान अधिकृत तोकेर प्रक्रिया अगाडि बढाइने व्यवस्था रहेको छ।