दुर्घटनामा एकजनाको मृत्यु, २० घाइते

पोखरा । पृथ्वी राजमार्गअन्तर्गत तनहुँको डुम्रेमा बस र इभी माइक्रोबस ठोक्किँदा १ जनाको मृत्यु भएको छ । दुर्घटनामा २० जना घाइते भएका छन् ।

मृत्यु हुनेमा इभी चालक धादिङ जिल्ला घर भएका ३३ वर्षीय रमेश अवस्ती हुन् । दुर्घटनामा घाइते उनको चितवन मेडिकल कलेजमा उपचारका क्रममा मृत्यु भएको जिल्ला प्रहरी कार्यालय तनहुँका प्रहरी निरीक्षक आशीष बिकले जानकारी दिए ।