उपभोग्य वस्तुको प्रयोगमा सचेत रहन आग्रह, विषादी न्यूनीकरणमा जोड

दाङ- कृषि उत्पादनमा रासायनिक विषादीको बढ्दो प्रयोगले मानव स्वास्थ्य, माटोको गुणस्तर तथा वातावरणमा गम्भीर असर पारिरहेको भन्दै यसको सुरक्षित तथा सन्तुलित प्रयोगमा सचेत रहन सरोकारवालाले आग्रह गरेका छन्।

तुलसीपुर उपमहानगरपालिकाको आयोजनामा कृषि क्षेत्रमा बढ्दो रासायनिक विषादीको जथाभावी प्रयोग न्यूनीकरण तथा त्यसका जोखिमबारे कृषकलाई जानकारी गराउने उद्देश्यले आयोजित गोष्ठीमा सहभागीहरूले उपभोग्य वस्तुको गुणस्तर र खाद्य सुरक्षाप्रति विशेष ध्यान दिनुपर्ने बताएका हुन्।