६ वर्षदेखि नेपाल–भारत गृहसचिवस्तरीय बैठक ठप्प

सीमाका विविध विषयमा छलफल गर्ने नेपाल–भारतबीचको गृहसचिवस्तरीय संयन्त्र सात वर्षदेखि ठप्प बनेको छ । हरेक वर्ष बस्ने बैठक रोकिँदा सीमासम्बन्धी समस्याका अनेक विषय ओझेलमा छन् ।

पछिल्लोपटक ०७३ भदौमा भारतको नयाँदिल्लीमा दुई देशका गृहसचिवस्तरीय बैठक बसेको थियो । त्यसवेला अर्काे बैठक नेपालमा बस्ने भनेर निर्णय भए पनि कार्यान्वयन हुन सकेको छैन । हरेक वर्ष आलोपालो आयोजना हुने यस्तो बैठक नेपालमा बस्नुपर्ने भए पनि भारतले त्यसका लागि सहमति नदिँदा बैठक बस्न नसकेको गृह मन्त्रालयका अधिकारी बताउँछन् ।