अर्घाखाँची जिल्लामा ५८ हजार लालपुर्जा वितरण, अझै ४१ सय वितरण गर्न बाँकी

बुटवल । २०५९ सालमा माओवादीले अर्घाखाँची जिल्लाको सदरमुकाम सन्धिखर्कमा आक्रमण गर्दा मालपोत कार्यालयको रेकर्डमा रहेका सम्पूर्ण लालपुर्जा जलेकोमा हाल जग्गा नापजाँच गरी लालपुर्जा वितरण भइरहेको छ ।

सरकारले २०६८ सालमा विशेष नापी कार्यालय स्थापना गरी जिल्लाभरको जग्गा पुनः नाप जाँच गरी लालपुर्जा दिने प्रक्रिया अगाडि बढाएको थियो । जस अनुसार हालसम्म जिल्ला भरमा ५८ हजार २०० लालपुर्जा वितरण भएका छन् । अझै ४१ सय लालपुर्जा वितरण गर्न बाँकी रहेको विशेष नापी कार्यालय अर्घाखाँचीले जनाएको छ ।